«Եթե 30 տարին մսխելը մեզ համար դարձել է մտածողության կոդ, էդ ո՞նց էինք մենք 2.5 տարվա ընթացքում 30 տարվա տրամաբանությունը շրջելու հակառակ, չնայած դա մեզ չի ազատում պատասխանատվությունից, ես ընդամենը բարձրաձայնում եմ։ Ուզո՞ւմ եք մտածենք, ասում են Շուշին ծախել ենք, ո՞վ ա ծախել շուշին, Շուշին եթե ծախել են, ծախել են վերջին 30 տարվա ընթացքում, որովհետև Շուշին մի հատ դժբախտ, դժգույն քաղաք էր, մեզ պե՞տք էր Շուշին, բա եթե պետք էր, ինչի՞ էր էդ վիճակում, մեզ էդ տարածքները ազատագրված պետք էին, բայց եթե պետք էր, ինչի էր էդ վիճակում, հիմա էլ մեզ ասում են ինչի գնացին, Արցախի նախագահի ինագուրացիան ինչի Շուշիում արեցին, պատկերացնում եք 30 տարի ամբողջ հայ էլիտան համարել ա, որ Շուշին Լեռնային Ղարաբաղի քաղաք ա, և Լեռնային Ղարաբաղի նախագահը իրավունք չունի էնտեղ միջոցառում անի, այդտեղ ա հանձնվել Շուշին, երբ որ վերնագրերում գրվել ա, որ ինքը էստեղ ա, բայց մտքերում ինքը էդտեղ չի եղել, որովհետև եթե ինքը էդտեղ լիներ, նման հարց չէր ծագի։ Էդ էն ա, որ ասում են ուղտին նստած ինչու չեք կուզեկուզ ման եկել, եթե ուղտին նստած կուզեկուզ եք ման գալու, էդ ուղտը ձեր ինչին ա պետք ժողովուրդ, դուք ուղտ եք ուզել, թե չեք ուզել, ինչ ներդրում ա արվել, վերջին մի քանի տարում մի քանի նվիրյալ գործարարներ ներդրում են արել, էդ ա եղել, իսկ ինչ ա եղել ուրիշ, էդ տարածքները հոկտեմբերին չեն հանձնվել, էդ տարածքները 30 տարի հանձնվել են, որ էնտեղ մոլախոտ ա աճել»,- ասել է Նիկոլ Փաշինյանը ԱԺ-ում ունեցած ելույթի ժամանակ։