Ավելի քան 700 փախստական Հայաստանից վերադարձել է Լեռնային Ղարաբաղ, հայտնել Է ՌԴ Պաշտպանության նախարարության պաշտոնական ներկայացուցիչ Եվգենի Կոնաշենկովը:
«Նոյեմբերի 15-ին Հայաստանի Հանրապետության տարածքից ռուսական խաղաղապահ ուժերի և ռազմական ոստիկանության ուղեկցությամբ Լեռնային Ղարաբաղ է վերադարձել 475 փախստական։ Նոյեմբերի 14-ից բնակության վայր է վերադարձել 725 մարդ»,-հայտնել Է Կոնաշենկովը։
«Լեռնային Ղարաբաղում ձեռք բերված պայմանավորվածություններին համապատասխան շարունակվում է զոհվածների մարմինների փոխանակումը։ Այն իրականացվում է ՌԴ խաղաղապահ ուժերի և Կարմիր խաչի միջազգային կոմիտեի համակարգմամբ»,-հավելել է նախարարության ներկայացուցիչը։