«Ինչո՞ւ պատերազմից 2 օր հետո չարեցիր այն, ինչն արեցիր 40 օր հետո. գոնե այսքան երեխու գլուխ չէիր ուտի». զոհված զինծառայողի մայրը՝ վարչապետին
ԱԺ երեկվա նիստում շահարկել են որդի կորցրած մոր անունը, իբր, ինչ-որ մեկի թելադրանքով եկել եմ այստեղ վիշտը սրտիս ու ելույթ եմ ունեցել, հանրահավաքում ասաց պատերազմում զոհված կապիտան Մկրտիչ Օհանյանի մայրը՝ Անահիտ Օհանյանն՝ ընդգծելով, որ ինքը պատվերով համերգ տվող չի, և որ ոչ ոք բարոյական իրավունք չունի շահարկելու որևէ մոր անուն:
Մայրը դիմելով վարչապետին՝ ասաց.
«Դու ունե՞ս անձնագրային բաժին, առողջապահության նախարարություն, եթե ունես, ուրեմն իմ մասին տվյալներ նրանցից վերցնեիր, ոչ թե լրտեսներ ուղարկեիր իմ հիմնարկություն, ես ասել էի, որ բուժքույր եմ աշխատում»:
Նա նաև հարց հնչեցրեց, թե ինչո՞ւ վարչապետը պատերազմից 2 օր հետո չարեց այն, ինչն արեցի 40 օր հետո. «Գոնե այսքան երեխու «գլուխ չէիր ուտի»»:
Անահիտ Օհանյանը նաև հայտնեց, որ հունիս, հուլիս, օգոստոս և սեպտեմբեր ամիսների սպաների տան վարձն անգամ չի փոխանցվել: