«2018-ին զիջել ենք Զանգակատան հատվածում, բնագծեր ենք կորցրել Արենիի հատվածում»․ Մովսես Հակոբյան
«Մենք դեռևս 2018թ․ ապրիլ-մայիս ամիսներին Նախիջևանի կողմում զիջել ենք բավական մեծ տարածություն։ Զիջել ենք Զանգակատան հատվածում, հակառակորդը առաջ է շարժվել մոտավորապես 6 կմ։ Մենք բնագծեր ենք կորցրել Արենիի հատվածում»,- այսօրվա ասուլիսում հայտնել է ՊՆ ռազմական վերահսկողական ծառայության նախկին պետ Մովսես Հակոբյանը՝ նշելով, որ հենց այս պատճառով է վարչապետին ասել, որ չի կարելի Արտակ Դավթյանին նշանակել Զինված ուժերի գլխավոր շտաբի պետ։