Ռազմական բժիշկ Տարոն Տոնոյանն այսօր ընդդմիադիր ուժերի հանրահավաքի ժամանակ հայտնեց, որ պատերազմի առաջին օրերից եղել է Արցախում և բուժել վիրավոր զինծառայողներին:

«Առաջին օրերին վիրավորներ էին գալիս միայն վերին և ստորին վերջույթների վնասումներով, ինչո՞ւ, որովհետև մեր զորքը կանոնավոր կռվում էր և զինվորները կասկա ունեին ու բռոնի ժիլետ: Բերեցին էդ խեղճ ՄՈԲ-ի տղերքին ու սկսվեց էդ կոտորածը: 28 հազար դրամ արժի էդ ժիլետն ու կասկեն: Բոլոր տղերքը գալիս էին արդեն կրծքավանդակի ծանրագույն վիրավորումներով: Մեր զոհերի մեծ մասը եղել են որովայնի և կրծքավանդակի վիրավորումներով: Մեղադրանք եմ առաջդրում քեզ. ինչո՞ւ կասկա ու բռոնի ժիլետ չտվեցիր էդ տղերքին»,- ասաց բժիշկը: