«Կառավարությունը չի կարող ժխտել այսօրվա հանրահավաքի ընթացքում իմ ասածները: Հավատացե՛ք, ես շատ ավելի մանրուքներ էլ կարող եմ պատմել Իջևանում փայտահատների բողոքի ակցիայի հետ կապված»,- հանրահավաքի ավարտից հետո՝ լրագրողների հետ զրույցում ասաց ԱԱԾ նախկին տնօրեն Արթուր Վանեցյանը:

Լրագրողները Վանեցյանից հետաքրքվեցին, թե կարո՞ղ է ապացույցներ ներկայացնել իր ասածների մասով: Ինչին ի պատասխան Վանեցյանն ասաց, որ իր խոսքերը բավարար են:

Հիշեցնենք՝ այսօր Վանեցյանը հայտարարեց, որ 2019-ի հուլիսին Իջևանում տեղի ունեցած ցույցերի ժամանակ ՀՀ վարչապետը զանգել է իրեն և նախկին ոստիկանապետ Օսիպյանին՝ ասելով «ուզում եմ տեսնել արյան գետեր»: