Այսօր՝ Երևանի ավագանու նիստին, քաղաքապետի առաջին տեղակալ Հրաչյա Սարգսյանը հայտնեց, որ «Իմ քայլը» խմբակցությունից ընտրված Երևան քաղաքի ավագանու անդամ Արսեն Կարապետյանը դիմում է ներկայացրել ավագանու լիազորությունները դադարեցնելու մասին, իսկ «Իմ քայլը» խմբակցության անդամ Իզաբելլա Աբգարյանը՝ խմբակցության կազմից դուրս գալու մասին։ Հրաչյա Սարգսյանը շեշտեց, որ Աբգարյանը կշարունակի ավագանու անդամի իր լիազորությունները։