Արդեն հայտնել ենք, որ ՍԴ նախկին դատավոր Կիմ Բալայանը հացադուլ է հայտարարել: Նա պահանջում է քրեական պատասխանատվության ենթարկել Նիկոլ Փաշինյանին Սահմանադրական կարգը տապալելու համար, ինչին պետք է հաջորդի վերջինիս հրաժարականը:

Բալայանը համաձայն է, որ հացադուլը ծայրահեղ քայլ է. «Ես համոզված չեմ, որ կարող եմ երկար ձգել, բայց հանուն հայրենիքի, եթե մեր քաջ զինվորները գնացին այնտեղ զոհվեցին, ես էլ պատրաստ եմ այստեղ մեռնել արդարության հասնելու համար»:

Բալայանը հացադուլ է հայտարարել մինչև Նիկոլ Փաշինյանը հրաժարական չտա: