«Այսօր շատ կարևոր է խոսել այսօրվա ու ապագայի մասին, նպատակների մասին: Այսօր կարևոր նպատակ է ձեռքբերված խաղաղությունը պահպանելն ու տևական դարձնելը, եթե հաջողվի մշտական դարձնել՝ շատ ավելի լավ: Կարևոր է ՀՀ-ի ու Արցախի շուրջ անվտանգությունն ապահովելը, Լաչինի միջանցքի անվտանգ ու անխափան գործունեությունն ապահովելը, արցախցիների վերադարձի պայմաններն ապահովելը, տուժած շրջանները վերականգնելը»,- հեռուստաուղերձի ժամանակ հայտարարեց վարչապետը՝ հավելելով, որ այս ամենի համար անհրաժեշտ է կյանքի կոչել նոյեմբերի 9-ի պայմանավորվածությունները: «Պայմանավորվածությունների մեջ է մտնում նաև գերիների ու զոհվածների մարմինների փոխանակումը, անհետ կորածների փնտրտուքի ակտիվացումը: Ես այս օրերին նրանց հարազատների ետ եմ հանդիպել, լսել պահանջները, նրանք ճիշտ են, մենք պետք է արագ գործենք: Ցավոք, դժբախտաբար, դա կախված է ոչ միայն մեզանից»: