Այսօր Նիկոլ Փաշինյանը հերթական գրառումն արեց՝ մանրամասներ ներկայացնելով պատերազմական օրերի մասին, երբ խոսակցություն է եղել Լևոն Տեր-Պետրոսյանի ու Ռոբերտ Քոչարյանի՝ Մոսկվա մեկնելու վերաբերյալ: Գրառման մեջ խոսվում է նաև Քոչարյանի անձնագրի մասին: Այդ հոդվածն ամբողջությամբ ներկայացնում ենք ստորև. «Էդ դեպքում ինձնից ի՞նչ են ուզում. պայմանավորված են՝ թող մեկնեն Մոսկվա, հանդիպեն: Պարզվեց՝ հարցը Ռ. Քոչարյանի անձնագիրն է, որը դատարանում է: Ասացի՝ թող միջնորդություն ներկայացնեն դատարան, ես կխնդրեմ, որ մեղադրանքի կողմը չառարկի անձնագիրը վերադարձնելուն: Այդպես էլ եղավ. դատարանը վերադարձրեց Քոչարյանի անձնագիրը, բայց Տեր-Պետրոսյանն ու Քոչարյանը Մոսկվա այդպես էլ չմեկնեցին»: Analitik.am-ը փորձեց պարզել, թե երբ է դատարանից դուրս եկել Ռոբերտ Քոչարյանի անձնագիրը: Մեզ հետ զրուցող անձը, ով ներկայացավ որպես դատավոր Դանիբեկյանի օգնական, նախ ասաց, որ չի կարող պատասխանել այդ հարցին: Իսկ երբ մենք ներկայացրեցինք, թե ինչու ենք հարցնում՝ մեջբերելով Փաշինյանի տողերը, պատասխանեց, որ նման ինֆորմացիա չի կարող տալ: Մեր հարցին՝ նշանակում է դա արդյո՞ք, որ այդ հարցի պատասխանն իրենց մոտից որևէ մեկը չի կարող տալ, եթե ինքը չի տալիս, մեր զրուցակիցը դրական պատասխան տվեց:
Այսօր Նիկոլ Փաշինյանը հերթական գրառումն արեց՝ մանրամասներ ներկայացնելով պատերազմական օրերի մասին, երբ խոսակցություն է եղել Լևոն Տեր-Պետրոսյանի ու Ռոբերտ Քոչարյանի՝ Մոսկվա մեկնելու վերաբերյալ: Գրառման մեջ խոսվում է նաև Քոչարյանի անձնագրի մասին: Այդ հոդվածն ամբողջությամբ ներկայացնում ենք ստորև.
«Էդ դեպքում ինձնից ի՞նչ են ուզում. պայմանավորված են՝ թող մեկնեն Մոսկվա, հանդիպեն: Պարզվեց՝ հարցը Ռ. Քոչարյանի անձնագիրն է, որը դատարանում է: Ասացի՝ թող միջնորդություն ներկայացնեն դատարան, ես կխնդրեմ, որ մեղադրանքի կողմը չառարկի անձնագիրը վերադարձնելուն: Այդպես էլ եղավ. դատարանը վերադարձրեց Քոչարյանի անձնագիրը, բայց Տեր-Պետրոսյանն ու Քոչարյանը Մոսկվա այդպես էլ չմեկնեցին»:
Analitik.am-ը փորձեց երկրորդ նախագահի անձնագիրը վերադարձնելու վերաբերյալ մանրամասներ ստանալ Գլխավոր դատախազությունից, սակայն մեզ ասացին, որ չեն մեկնաբանում: