ՌԴ ՊՆ-ն Լեռնային Ղարաբաղում դաշտային հոսպիտալ է տեղադրել, հաղորդում է «ՌԻԱ Նովոստի»- գործակալությունը:

ԼՂ-ում բժշկական բրիգադի պետ Յարոսլավ Իվանովը լրագրողներին հայտնել է, որ ավարտվել է դաշտային հոսպիտալի տեղակայումը։

«Առաջին հերթին մենք կենտրոնանալու ենք խաղաղապահ զորակազմին բժշկական օգնություն ցուցաբերելու ուղղությամբ, բայց և պատրաստ ենք օգնել խաղաղ բնակչությանը։ Հոսպիտալում հնարավոր է տեղավորել մինչև 40 մարդու»,-ասել է նա։

Նա նշել է, որ հիվանդանոցը հագեցած է վերակենդանացման, ֆունկցիոնալ ախտորոշման, լաբորատոր ախտորոշման, վիրահատարանի, ատամնաբուժական և ակնաբուժական սենյակներով: Առկա են թոքերի արհեստական օդափոխության սարքեր, ուլտրաձայնային և ռենտգենյան սարքավորումներ։