Մի կարևոր ասելիք կա, որ պարզապես մենք իրավունք չունենք մեզ պարտելու: Այսօր երկրում առաջնահերթյունները սահմանելու խնդիր, կա և մենք ամեն օր ավելի ենք համոզվում, որ երկրում գործող իշխանությունն ի վիճակի չէ դա անելու: Այս երթով փորձում եմ իմ ձայնը հասցնել մարդկանց: Այսօր մտավորականների՝ գերիների և անհետ կորածների խնդիրը միջազգային կառույցների մոտ բարձրաձայնելու հարցով երթի ժամանակ լրագրողների հետ ճեպազրույցում ասաց «5-րդ ալիք»-ի լրատվական ծառայության պրոդյուսեր Արտակ Հերիքյանը:

Հարցին, թե իր կարծիքով՝ հնարավո՞ր է առանց իշխանությունների այս հարցին լուծում տալ, քանի որ դիտարկումներ կան, որ եթե խոսքը միջազգային կառույցների կամ այլ երկրների ներկայացուցչությունների մասին է, ապա վերջիններս իշխանություններից են ինչ-որ արձագանք ակնկալելու, Հերիքյանը պատասխանեց. «Մենք տեսել ենք՝ իշխանություններն ինչ են արել. նրանք ստորագրել են մի փաստաթղթի տակ, որտեղ սանտիմետր-սանտիմետր, կիլոմետր-կիլոմետր վերադարձի ժամանակացույցը շատ հստակ է, բայց մեզ համար խիստ կարևոր հարց՝ գերիների, անհետ կորածների, դիերի փոխանակման հարցն անորոշ է, որևէ ժամկետ սահմանված չէ, և երբ իշխանությունը ստորագրում է այդ հայտարարության տակ, մեծ լինեն սպասելիքները, թե փոքր լինեն սպասելիքները, պետք է ինչ-որ բան անել»,- ասաց նա:

Լրագրողի հարցին էլ, թե ինքն ունի՞ հարցի պատասխանը, թե ինչու այդ հարցով ժամկետների հստակեցում չկա, նա ասաց, որ չունի այդ հարցի պատասխանը: 

«Դա որևէ տրամաբանության մեջ չի տեղավորվում, և ամեն օր մենք համոզվում ենք, որ տրամաբանությանմբ փորձել հասկանալ այս իշխանությունների գործողությունները, անիմաստ զբաղմունք է: 

Պատասխանելով հարցին, թե արդյոք ապաքաղաքակա՞ն են այս երթերը, նա նշեց. 

«Ես չգիտեմ՝ որքանով է ապաքաղաքական կամ քաղաքական: Ինքնին երբ որ դու դուրս ես գալիս հանրահավաքի, դա արդեն քաղաքական ժեստ է, այնուամենայնիվ»: