ՌԴ պաշտպանության նախարար Սերգեյ Շոյգուն հայտարարել է, որ ՀԱՊԿ-ն կշտկի օպերատիվ արձագանքման հավաքական ուժերի (ՕԱՀՈւ) տեղակայման ծրագիրը՝ հաշվի առնելով ներկայիս ռազմաքաղաքական իրավիճակը, հաղորդում է ՏԱՍՍ-ը:

«Մանրամասն քննարկել ենք կազմակերպության սահմանների մոտ ռազմաքաղաքական իրավիճակը, ինչպես նաեւ հավաքական անվտանգության սպառնալիքներին եւ մարտահրավերներին համատեղ հակազդելու հարցով առաջարկները: Որոշում ենք կայացրել ՕԱՀՈւ տեղակայման ծրագրի վերամշակման մասին՝ հաշվի առնելով ներկայիս իրողությունները»,-ասել է նա ՀԱՊԿ անդամ երկրների պաշտպանության նախարարների խորհրդի նիստի արդյունքներով: