«30 տարի անց հավաքվել ենք նույն հրապարակում՝ հսկայական տարածքային կորուստներով». Վազգեն Մանուկյան
«30 տարի անց հավաքվել ենք նույն հրապարակում՝ վիրավորված և հսկայական տարածքային կորուստներով, երբ Հայաստանի գոյությունն է այժմ վտանգված, երբ ադրբեջանցիներն են որոշում Հայաստանի սահմանը՝ մտնելով Հայաստան»,- այսօր Ազատության հրապարակում հանրահավաքի ժամանակ ասաց ըննդիմության վարչապետի միասնական թեկնածու Վազգեն Մանուկյանը:
«Պատերազմի առաջին օրվանից անգրագետ մոտեցում ցուցաբերվեց, մենք կարող էինք կանխել պատերազմը, հաղթել կամ կասեցնել... Այս շարժումը այն ճանապարհն է, որը հնարավորություն է տալիս փոխել իրավիճակն Հայաստանում»,- ասաց Մանուկյանը:
«Մենք երբեք չենք հաշտվի այդ փաստաթղթի հետ, բայց այն աշխատում է դե ֆակտո, և մենք հիմա Նիկոլի շնորհիվ ոչ մի հարց չենք կարողանում լուծել: Այդ պայմանագիրը կազմված է մի շարք բացթողումներով և նոր կառավարությունը պետք է կարողանա ամեն մի անորոշությունը բանակցությունների միջոցով կարգավորել»,- ընդգծեց վարչապետի միասնական թեկնածուն: