Ռուս խաղաղապահները ապահովել են Հայաստանից շուրջ 32 000 փախստականների վերադարձը Ղարաբաղ
Մոտ 32 000 փախստականներ են ռուս խաղաղապահների օգնությամբ վերադարձել Լեռնային Ղարաբաղ, հաղորդում է «Ինտերֆաքսը»՝ վկայակոչելով Ռուսաստանի պաշտպանության նախարարությանը:
«Հայաստանի տարածքից Լեռնային Ղարաբաղ են վերադառնում խաղաղ բնակիչները: Մեկ օրվա ընթացքում եւս 1244 մարդ է վերադարձել իրենց նախկին բնակության վայրեր: Խաղաղապահ գործողության ընթացքում արդեն ապահովվել է 31 917 փախստականի անվտանգ վերադարձը»,- հայտարարել է ՌԴ ՊՆ-ն: Գերատեսչությունում նշել են, որ ռուս խաղաղապահներն օգնում են քաղաքացիներին անվտանգ տուն վերադառնալն, նրանց տրամադրում են մարդասիրական օգնություն: Վերականգնվում են նաեւ քաղաքացիական եւ ինժեներական ենթակառուցվածքների օբյեկտները:
«Ռուսական խաղաղապահ ուժերի կողմից Լեռնային Ղարաբաղի տարածքում իրավիճակի շուրջօրյա մոնիթորինգ է իրականացվում: Հրադադարի ռեժիմը պահպանվում է շփման գծի ողջ երկայնքով»,- ասել են պաշտպանության նախարարությունում:
