Հայաստանի և Արցախի գործող իշխանությունները ստել են պատերազմի ամբողջ ընթացքում, ստել են դրանից առաջ և որ ամենացավալին է ստում են նաև պատերազմից հետո։ Հայկական երկու պետություններն աղետի առաջ կանգնեցրած իշխանությունների համար սուտը հիմնական «կերակուրն» է, որով իրենք կերակրում են իրենց հավատացողներին։

Իշխանությունների ապիկարության արդյունքում արձանագրված խայտառակ պարտությունից հետո, հավատավոր հայ ժողովրդի համար մեծ ցավ էր պատմական Դադիվանք վանական համալիրի կորուստը։ Դադիվանքը դարձել էր Արցախում մեր կորուստների խորհրդանիշը։ 

Իշխանությունները լավ հասկանալով Դադիվանքի խորհրդանշական նշանակությունը, հանրային բողոքի ալիքի ամենաթեժ օրերին կրկին փորձեցին հանրությանը մոլորեցնելով կտրել իրականությունից։ Այս անգամ լկտի սուտը ասվեց ուղիղ Արցախի նախագահ Արայիկ Հարությունյանի բերանով։

Նախ Արայիկ Հարութնյանը զանգահարել էր Քարվաճառի շրջանի հոգևոր հովիվ, Դադիվանքի վանահայր Հովհաննես քահանա Հովհաննիսյանին և վստահեցրել, որ վանքը մնում է Արցախի սահմաններում․ «Արցախի Հանրապետության նախագահ Արայիկ Հարությունյանը հենց նոր զանգեց ինձ, ասաց՝ Դադիվանքին ձեռք չտաս, խաչերին ձեռք չտաս, Դադիվանքը չենք տալիս», - ասել էր վանահայրը՝ լրատվամիջոցներից մեկի հետ զրույցում։

Մի քանի օր անց այս խնդրին անդրադարձել էր նաև ԱԺ պատգամավոր Թագուհի Թովմասյանը, ով հանդիպել էր Արայիկ Հարությունյանի հետ․ «Ինձ համար անակնկալ կերպով ստորագրված գիշերային փաստաթուղթը շատ հարցեր է առաջացրել։ Օրինակ՝ ինչպես կարող ենք մեր հողերը, պատմամշակութային օբյեկտները (հատկապես հետաքրքրվեցի Դադիվանքի մասին) գրչի մի հարվածով տալ թշնամուն։ Արցախի նախագահը հուսադրեց, որ վանքը մերն է և վերջ»։

Այս հայտարարությունից օրեր անց հայտնի դարձավ, որ Ադրբեջանը իր վերահսկողության տակ է առնում Դադիվանը, ավելին այն հայտարարվել է աղվանական եկեղեցի և թշնամական երկրի կողմից վանքում հոգևորական է նշանակվել Ադրբեջանի քաղաքացի, ազգությամբ ուդի հոգևորական։ 

Կատարվածը ակնառու կերպով ցույց է տալիս, որ Արայիկ Հարությունյանը (Նիկոլ Փաշինյանի մասին ավելորդ է այս պնդումը կրկնել) պարզագույն ստախոս է, որին պետք է դուրս շպրտել նախագահական նստավայրից։

politik.am