«Քարտեզագրումը GPS-ով իրականացնելու մասին ոչ մի տեղ նշված չէ». Էդմոն Մարուքյան
«Լուսավոր Հայաստան» խմբակցության ղեկավար Էդմոն Մարուքյանը ստեղծված իրավիճակից դուրս գալու գործողությունների ծրագիրը ներկայացնելիս ասաց, որ Հայաստանի, Ադրբեջանի և Ռուսաստանի միջև ստորագրված հայտնի հայտարարության մեջ որոշ անորոշություններ կան, որոնք բանակցման կարիք ունեն:
«Այսօր մեր խնդիրներն են՝ ռազմագերիների, մեր հերոսների դիերի փոխանակումը, որ արձանագրված է հայտարարության մեջ, բայց ոչ մի վերջնաժամկետ նշված չէ, հայտնի GPS-ով քարտեզագրումը, որի մասին ոչ մի տեղ գրված չէ, բայց մենք տեսնում ենք, որ սահմանները GPS-ով դեմարկացիայի են ենթարկվում»,- նշեց Մարուքյանը: