Քաշաթաղի Այգեկ գյուղի բնակիչ Ռոմիկ Դարբինյանը կորցրել է իր տունն ու տեղը: Ժամանակավոր ապաստան է գտնել Արտաշատի Գետազատ գյուղի մանկապարտեզում, բայց գյուղապետը, մանկապարտեզի տնօրենը, մարզպետարանի աշխատակիցը հորդորել են դուրս գալ տարածքից, քանի որ մանկապարտեզը շուտով սկսելու է գործել:

Անօգնական վիճակում գտնվող քաղաքացին Tert.am-ի հետ զրույցում ասել է, թե իրեն հանեն, իր ընտանիքով կգնա Հանրապետության հրապարակում կնստի. «Մանկապարտեզից հանում են, բա ես 6 երեխուս առնեմ, գնամ փողոցներու՞մ քնեմ: Ինձ ճամփա են ցույց տալիս, թե մարդիկ կան՝ մեքենաներում են քնում:  Ասում են՝ դուրս չգաս՝ ոստիկանության ուժի կիրառմամբ կհանենք: Այսինքն՝ թուրքը այնտեղ է ուժ գործադրում, իրենք էլ՝ այստե՞ղ»:

Փոքր երեխան 2 ամսական է, մեծը՝ 9-ը տարեկան և սրտի արատ ունի: Պատմել է՝ իր նորածնին կեր չեն տվել, ասել են՝ փող ես ստացել, գնա առ:

Հարց է ուղղում՝ 68 հազար դրամով քանի ամիս և քանի անգամ կարող է տակդիր, սնունդ գնել և պահել իր 8 հոգանոց ընտանիքը:

Մանրամասները՝ տեսանյութում։