Մենք ամփոփիչ ֆիլմ ենք պատրաստում այն իրադարձությունների մասին, որոնք այստեղ տեղի են ունեցել:Այս մասին Tert.am-ի հետ զրույցում ասաց «WarGonzo» նախագծի  հեղինակ Սեմյոն Պեգովը:

«Թեև ռազմական ակտիվ գործողություններն ավարտվել են, մենք հասկանում ենք, որ դա միայն մի մասն է մեծ պատերազմի, որն այսօր տեղի է ունենում, և այսպես, թե այնպես մենք պետք է ներկա լինենք այստեղ»,-ասաց նա:

Նա նշեց, որ ռազմական գործողությունների մասշտաբի առումով նման պատերազմում դեռ չէր հայտնվել: «Ադրբեջանն օգտագործել է սպառազինման մեծ շրջանակ՝ անօդաչուներ, իսրայելական, թուրքական նորագույն զենքեր: Դոնբասում նույնպես բավականին կոշտ իրավիճակ էր, սակայն հաշվի առնելով Ադրբեջանի զինված ուժերի կողմից տարատեսակ արգելված զինատեսակների կիրառումը, նաև «Սմերչի» կիրառումը, որով հարվածներ են հասցվել Ստեփանակերտին, գործնականում ամենօրյա ռեժիմով, դա իհարկե, ամենամասշտաբային և դաժան պատերազմն է, որում ներկա եմ եղել»,-ասաց նա:

Նա նշեց, որ Ստեփանակերտում գտնվելն ավելի վտանգավոր էր, քան առաջնագծում: «Քանի որ առաջնագծում կա թաքստոց, դու ինչ-որ չափով հասկանում ես խաղի կանոնները, իսկ քաղաքացիական կառույցների ուղղությամբ վարվող անկանոն կրակը, երբ չես հասկանում՝ ուր կարող է հարվածել «Սմերչը», պայթել, դա իրականում վիճակախաղի նման է, երբ քեզանից ոչինչ կախված չէ»,- ասել Ռուսական WarGonzo նախագծի հեղինակ Սեմյոն Պեգովը:

Մանրամասները՝  տեսանյութում։