Քանի որ Հովհաննես Իգիթյանը ԱԺ արտաքին հարաբերությունների հանձնաժողովի փոխնախագահն է, փաստորեն նա, ըստ էության ընդդիմանում է վարչապետի քաղաքականությանը, հետևաբար, պետք է դրա մասին հայտարարի: Այս մասին լրագրողների հետ զրույցում հայտարարել է «Լուսավոր Հայաստան» խմբակցության ղեկավար Էդմոն Մարուքյանը՝ անդրադառնալով Հովհաննես Իգիթյանի հայտարարությանը, ըստ որի ԱԺ-ն պետք է հայտարարությամբ հանդես գա և իր անհամաձայնությունը հայտնի նոյեմբերի 10-ին ստորագրված եռակողմ փաստաթղթին, որպեսզի  դա չդառնա ԵԱՀԿ Մինսկի խմբի եռանախագահների բանակցություններում ԼՂ խնդրի լուծման կոնցեպտ:

«Դա նշանակում է այդ փաստաթուղթը որևէ ձևով կասկածի տակ դնել, ինչի մասին թե՛ վարչապետն է արտահայտվել, թե՛ ՌԴ նախագահը, թե՛ Լավրովը Հայաստան այցի ժամանակ, թե՛ «Իմ քայլի» ներկայացուցիչները, որ այդ փաստաթուղթը ինչպես կա, այդպես պետք է իրագործվի»,-ասաց Մարուքյանը: