ԱԱԾ-ն ոչ լավ տեղեկություններ է փոխանցել Նիկոլ Փաշինյանին
«Հրապարակ» թերթը գրում է. «Ռազմական դրության սահմանափակումների ցանկից հավաքների սահմանափակումը հանելու իմաստը ոչ թե ընդդիմության հանրահավաքների առաջ կանաչ լույս վառելն էր, այլ Նիկոլ Փաշինյանի մտադրությունը՝ հանրահավաք անցկացնել և ապացուցել, որ ինքը դեռևս վայելում է հանրային վստահություն և կարող է ավելի մեծ միտինգ անել, քան ընդդիմադիր 17 ուժերն են անում։
Նրա հանձնարարությամբ օրերս ԱԱԾ-ն փակ հարցում է անցկացրել՝ պարզելու համար, թե որքան մարդ կամովին կներկայանա Նիկոլ Փաշինյանի կազմակերպած հանրահավաքին։ Մեր տեղեկություններով, ԱԱԾ-ն զեկուցել է, որ արդյունքը մխիթարական չէ՝ շատ քիչ կլինի մասնակիցների թիվը։
Մեզ ասացին, որ դրանից հետո Նիկոլ Փաշինյանը հանձնարարել է պարզել, թե վարչական ռեսուրսի միջոցով ինչքան մարդ կկարողանան բերել հանրահավաքի։
Հիմա սպասում է այդ տվյալները ստանալուն, որ որոշի՝ անե՞լ հանրահավաք, թե՞ բավարարվել «լայվերով»։
Մանրամասն՝ թերթի այսօրվա համարում