ՀՅԴ անդամ Իշխան Սաղաթելյանն այսօր ֆեյսբուքյան տեսաուղերձի ժամանակ հայտնեց, որ քանի որ ՀՀ վարչապետը չի կատարել իրենց պահանջը, և այսօր՝ մինչև 12:00 հրաժարական չի տվել, իրենք շարունակելու են անհնազանդության ակցիաները: «Այս պահից սկսած մինչև 17:00 ՀՀ քաղաքացիներն ունեն լեգիտիմ իրավունք՝ խաղաղ անհնազանդության բողոքի ակցիաներ և գործողություններ իրականացնելու, իրենց պահանջը տեղ հասցնելու համար: Մեկ անգամ ևս դիմում եմ Նիկոլ Փաշինյանին. Նիկո՛լ, միևնույն է, դու հեռանալու ես, հեռացի՛ր անցնցում, գոնե այս անգամ խնայիր մեր ժողովրդին, պետությանը և պետականությանը: Քո հեռանալը կենսական անհրաժեշտություն է»,- ասաց Սաղաթելյանը: