«Մի քիչ սպասեք, դեռ սերիաներ էլ են լինելու». Էդմոն Մարուքյան
«Մենք հիմա պարիտետային հանձնաժողով ստեղծելու նախագծի վրա ենք աշխատում, որտեղ կլինեն խորհրդարանական և արտախորհրդարանական ուժեր և հավասարակշիռ քննություն կանցկացվի՝ ինչպես այս նյութի, այնպես էլ այլ նյութերի մասով»,- խոսելով երեկվա՝ համացանցում տարածված աղմկահարույց գաղտնալսման մասին, ասաց ԼՀԿ ղեկավար Էդմոն Մարուքյանը:
«Մի քիչ սպասեք, դեռ սերիաներ էլ են լինելու, որոնք հերթով կքննվեն հանձնաժողովի կողմից»,- հավելեց նա:
Դիտարկմանը, թե Ապրիլյան պատերազմի հանգամանքների ուսումնասիրման քննիչ հանձնաժողով էլ ստեղծվեց, որն այդպես էլ հաշվետվություն չտվեց, Մարուքյանն ասաց.
«Հիշեցնեմ ձեզ՝ Սերժ Սարգսյանի հրամանագրով ստեղծվեց փաստահավաք խումբ, հետո Սարգսյանը տեսավ, որ շատ բաներ ա ոնց որ բացահայտում, էդ խումբը, փակեց: Բայց այսօրվա Մարտի 1-ի քրեական գործի հիմքում դրված են փաստահավաք խմբի նյութերը»: