Օծանելիքներ, ժամացույցներ ենք բերել ԱԱԾ-ի մոտ, որ փոխանցեն Նիկոլ Փաշինյանին, և նա ի վերջո կշտանա, հասկանա, որ ԱԱԾ-ն չի կարելի վերածել փալասի։ Այս մասին ԱԱԾ-ի դիմաց ասել է հասարակական-քաղաքական գործիչ Միհրան Հակոբյանը։

«Չի կարելի մի կառույցի, որը տարիներով մեր պետության հենասյունն է, այս սպաները տարիներ շարունակ նվիրված են եղել պետությանը, վերաբերվել որպես թաղայինի, որը զբաղվում է թաղայինի մակարդակի գործերով։ Եկել ենք ԱԱԾ-ին ասելու, որ իրենց այս վիժվածքից ազատագրելու ենք, ազատագրելու ենք նրա այլանդակ գործելաոճից, և չի լինելու այնպես, որ ԱԱԾ-ն շարունակի զբաղվել մանր, էժան գործերով»,-ասաց Հակոբյանը։