Սիրելի՛ հետևորդներ,

Վերջին շրջանում մամուլում հայտնվել են տեղեկություններ ինձ անհայտ նախաձեռնությունում (Armenia2021) իմ ներգրավվածության կամ մասնակցության մասին: Որոշ լրատվամիջոցներ, նույնիսկ առանց ինձնից ճշտելու կամ գոնե ճշտելու փորձ կատարելու, նախաձեռնությունը վերագրել են ինձ:

Պաշտոնապես տեղեկացնում եմ՝ ես նման նախաձեռնության հետ որևէ առնչություն չունեմ: Իմ ազդարարած նախաձեռնությունը կազմավորման և ինստիտուցիոնալացման փուլում է, որը պայմանականորեն կոչվում է «Մտավոր Հայաստան» (նախաձեռնության անվանումը փոփոխման փուլում է․ մոտ ապագայում իմ ֆեյսբուքյան էջի և «Արմնյուզ» ՀԸ եթերի միջոցով կհրապարակեմ նախաձեռնության հետ կապված բոլոր մանրամասները, այդ թվում՝ անվանումը):

ՀԳ.

Եթե ես կապ ունենայի այս նախագծի հետ, նվազագույնը ճշգրիտ կներկայացնեի իմ կենսագրությունը․ օրինակ՝ կգրեի, որ ունեմ 2 երեխա, ոչ թե 1, երեք մասնագիտություն, արտասահմանյան ու հայկական գիտական հանդեսներում մոտ երկու տասնյակ գիտական հոդված, երկու մենագրություն, քաղաքագիտության թեկնածուի գիտական աստիճան և դոցենտի կոչում, դասավանդում եմ 2 համալսարանում, աշխատակցում արտասահմանյան քաղաքագիտական առաջատար կենտրոնների:

Աբրահամ Գասպարյան