Դեկտեմբերի 8-ին  ՌԴ ԱԳ նախարար Սերգեյ Լավրովը հեռախոսազրույց է ունեցել Թուրքիայի ԱԳ  նախարար Մևլութ Չավուշօղլուի հետ:

Անդրադարձ է կատարվել երկկողմ և միջազգային օրակարգի մի շարք հարցերի: Ռուսական կողմն իր գոհունակությունն է հայտնել թուրքական դատարանի՝ NTV հեռուստաընկերության ռուս լրագրողներին կալանքից ազատելու որոշման կապակցությամբ, որոնք կալանավորվել էին  դեկտեմբերի 3-ին Թուրքիայում:

Կողմերը խոսել են  համատեղ դիտարկման կենտրոնի շրջանակներում Լեռնային Ղարաբաղում հրադադարի ռեժիմի ամրապնդման ուղղությամբ երկու երկրների ջանքերը համակարգելու անհրաժեշտությունից։

Նախարարները մտքեր են փոխանակել նաև  ուկրաինական ներքին ճգնաժամի կարգավորման շուրջ ստեղծված իրավիճակի վերաբերյալ: Կարևորել են  հակամարտության կողմերի միջև ձեռք բերված պայմանավորվածությունների կատարման անհրաժեշտությունը, սադրիչ գործողությունների անթույլատրելիությունը, որոնք կարող են հանգեցնել իրավիճակի սրմանը տարածաշրջանում: