Հայաստանի վարչապետ Նիկոլ Փաշինյանը ինքը պետք է պատասխանի այն հարցին, թե կա արդյոք իր հրաժարականի հանրային պահանջը: Այս մասին Ազգային ժողովի նիստում, խորհրդարանական ժամին հայտարարեց «Բարգավաճ Հայաստան» կուսակցության պատգամավոր Նաիրա Զոհրաբյանը: Ըստ նրա՝ Փաշինյանի հրաժարականը պահանջում են երկու խորհրդարանական ուժեր, պահանջում են Հայաստանի նախագահը, Ամենայն հայոց կաթողիկոսը, Մեծի Տանն Կիլիկիո Գարեգին Բ-ն եւ Արամ Առաջինը, Գիտությունների ազգային ակադեմիան, Երեւանի պետական համալսարանը:

«Հազարավոր հայեր ամբողջ երկրում միանում են այս պահանջներին: Դրանից հետո դուք ինքներդ կարող եք որոշել՝ կա՞ արդյոք հասարակական պահանջ, թե՞ ոչ: Հասկացեք, պարոն Փաշինյան, հասարակությունը ձեր հեռանալն է ուզում»,- նշեց Զոհրաբյանը: Հիշեցնենք, որ նոյեմբերի 10-ից Երեւանում ցույցեր ու երթեր են անցկացվում՝ Հայաստանի վարչապետի պաշտոնում Նիկոլ Փաշինյանի մնալու դեմ: