«Արաբական գարնան» ցույցերն ընդլայնել են Թուրքիայի եւ Իրանի հնարավորությունները: Նման կարծիք է հայտնել Արաբական պետությունների լիգայի գլխավոր քարտուղար Ահմեդ Աբուլ Գեյթը, հաղորդում է Arab News-ը: Նրա խոսքով՝ 2011 թվականին Թունիսում, Լիբիայում եւ Եգիպտոսում տապալված ավտորիտար ռեժիմները Թուրքիային եւ Իրանին թույլ տվեցին լրացնել իշխանության վակուումը: Նա նշել է, որ տարածաշրջանում ազգային պետությունների թուլացումն Իրանին թույլ է տվել վերաիմաստավոր այն հնարավորությունը, որը նա անվանել է  կայսերական իշխանության անցած դարաշրջան:

«Արաբական գարունը» Թուրքիային հույս է տվել վերականգնելու իր հեգեմոնիան՝ նշել է Գեյթը: Թուրքիան աջակցել է շատ քաղաքական իսլամիստական շարժումների արաբական երկրներում, այդ թվում Եգիպտոսում «Մուսուլման եղբայրների» գլխավորությամբ Մուհամեդ Մուրսիի կառավարությանը: Անկարայի աջակցությունը «Մուսուլման եղբայրների» հետ կապ ունեցող կուսակցություններին եւ շարժումներին լրջորեն բարդացնում է նրա հարաբերությունները այլ տարածաշրջանային տերությունների հետ, ներառյալ՝ Սաուդյան Արաբիա, Եգիպտոս եւ ԱՄԷ: