Էդ բռոնեժիլետով ու տրանսֆորմների համազգեստով անձանց ներկայությունը Երեւանի հանրային վայրերում անվստահության ակտ է իրենց ծառայողական պարտականությունները կատարող ոստիկանների նկատմամբ: Այս մասին ֆեյսբուքյան իր էջում գրել է ՀՀ նախկին փոխոստիկանապետ Հովհաննես Քոչարյանը՝ անդրադառնալով վարչապետ Նիկոլ Փաշինյանի աջակիցների ակցիային, որի ժամանակ նրանցից մի քանիսը զրահաբաճկոններով են ներկայացել։ Գրառման մեջ մասնավորապես ասվում է․ «Էդ բռոնեժիլետով ու տրանսֆորմների համազգեստով անձանց ներկայությունը Երեւանի հանրային վայրերում անվստահության ակտ է իրենց ծառայողական պարտականությունները կատարող ոստիկանների նկատմամբ:

Տղերք, «քնքուշ» պրոֆիլակտիկ զրույցով դրանց հանեք բռոնեժիլետից ու բացատրեք, որ իրենց տեսքով ու դատարկ խոսքով պատրաստի պրովոկացիա են խաղաղ հավաքի մասնակիցների համար:

Մնացել էր Երեւանում սրանք հասարակական կարգ պաշտպանեն….»։