Ազգային ժողովում տեղի է ունեցել ռազմագերիների հարցերի շուրջ փակ նիստ։ Ըստ ԼՀԿ պատգամավոր Անի Սամսոնյանի, հենց Մարիա Կարապետյանի նախաձեռնությամբ է նիստը անցկացվել դռնփակ․ «Կարապետյանը ելույթ է ունեցել, ասել է, որ մենք քաղաքական դիվիդենտներ ենք շահում ռազմագերիների հարցի քննարկումից։ Ըստ էության, մենք փակ նիստի ժամանակ հասկացանք, թե ինչու էր տիկին Կարապետյանը պնդում, որ նիստը փակ լինի։ Փակ հանդիպման ժամանակ նա մեզ հետ կռիվ էր անում, մասնավորապես՝ Մարուքյանի հետ, թե մենք ինչու ենք բարձրաձայնել Ադրբեջանի զորահանդեսում նախատեսված գերիների ցուցադրության մասին։ Կարապետյանը բերում էր մի փաստարկ, թե չի կարծում, որ Ադրբեջանը նման բան կանի, որովհետև Ադրբեջանը չի խախտում միջազգային կոնվենցիաները։

Ի պատասխան նրան, որ մենք հարցրեցինք այն մասին՝ արդյո՞ք նա չի տեսնում, թե ինչպես են վերաբերվում մեր ռազմագերիներին, ինչ վատ վերաբերմունքի են արժանանում նրանք, տիկին Կարապետյանը որևէ արձագանք չտվեց»։