Analitik.am-ի տեղեկություններով, Գռզո մականունով իշխանական օլիգարխ Խաչատուր Սուքիասյանը փորձում է բոլոր հնարավոր եղանակներով հարաբերություններ հաստատել ընդդիմության հետ:

Հիշեցնենք, որ Խաչատուր Սուքիասյանն իր հավատարմությունը Նիկոլ Փաշինյանին ապացուցելու նպատակով ամիսներ առաջ ուրացավ նույնիսկ իր խնամուն՝ Գագիկ Ծառուկյանին, երբ Ազգային Ժողով բերվեց վերջինիս պատգամավորական անձեռմխելիությունից զրկելու հարցը, սակայն իրադարձություններն այնքան կտրուկ փոխվեցին, որ այդ ուրացումն այսօր կարող է կործանարար լինել Գռզոյի համար:

Իշխանական օլիգարխը, ով դեռ շաբաթներ առաջ ամենուր հայտարարում էր, թե Փաշինյանն իր աստվածն է, այս օրերին փորձում է տեղավորվել հաջորդ իշխանության շրջապատում:

Նշենք, որ Նիկոլ Փաշինյանի իշխանության մոտ երկու տարիների ընթացքում բազմաթիվ մութ պատմություններ են կուտակվել այս օլիգարխի անվան շուրջ՝ սկսած օլիգարխի աշխատակիցների տարօրինակ ինքնասպանություններից մինչև տարբեր կասկածելի գործարքներ, որոնք իշխանափոխությունից հետո սպառնում են ջրի երես դուրս գալ: