Երեկ հայտնի դարձավ, որ որ ռուսական կողմի միջնորդությամբ հայկական կողմին են փոխանցվել երեք հայ գերիներ: Ավելի ուշ տեղեկություն տարածվեց, որ նրանք տարեց քաղաքացիական անձինք են և, առաջնահերթության սկզբունքով, հայկական կողմին են փոխանցվել առողջական լուրջ խնդիրներ ունենալու պատճառով:

Analitik.am-ի հետ զրույցում ՀՀ ՊՆ տեղեկատվության և հասարակայնության հետ կապերի վարչության պետ Գևորգ Ալթունյանն ասաց, որ վերջիններիս առողջական վիճակի մասին այս պահին դեռ որևէ բան չի կարող ասել, քանի որ նրանք դեռ հետազոտվում են:

Նրանց տեղափոխել են Կենտրոնական կլինիկական հոսպիտալ:

Հարցին՝ արդյո՞ք նրանց կյանքին վտանգ սպառնում է, պարոն Ալթունյանն ասաց, որ չի կարող այս պահին ասել, բժիշկները պետք է ասեն. «Ես հետազոտության տվյալներին ծանոթ չեմ»:

Ինչ վերաբերում է այն հարցին՝ նրանք ՀՀ քաղաքացի են, թե Արցախի, պարոն Ալթունյանը նշեց՝ որքանով հասկացել է, Արցախի բնակիչներ են, ովքեր չեն հասցրել դուրս գալ համապատասխան տարածքներից: