Ռուս խաղաղապահները հրադադարի ռեժիմի խախտումներ եւ սադրանքներ չեն արձանագրել Ղարաբաղում
Լեռնային Ղարաբաղի գոտում հրադադարի ռեժիմը լիովին պահպանվում է, անցած մեկ օրվա ընթացքում ոչ մի սադրանք չի արձանագրվել: Այս մասին հայտնել է Լեռնային Ղարաբաղում ռուսական խաղաղապահ զորախմբի կենտրոնի (կողմերի հաշտեցման) կենտրոնի ղեկավարի տեղակալ, գնդապետ Դմիտրի Պերեպելկինը:
«Խաղաղապահ զորակազմը, դրված խնդիրներին համապատասխան, վերահսկում է Լեռնային Ղարաբաղում կողմերի շփման գծում կրակի եւ ռազմական գործողությունների դադերցման մասին համաձայնագրերի կատարումը: Խաղաղապահ օպերացիայի իրականացման տարածքում իրավիճակը հանգիստ է: Հրադադարի ռեժիմի խախտումներ եւ սադրանքներ չեն եղել»,- ասել է նա:
Սպայի խոսքով` Ռուսաստանի խաղաղապահ զորակազմը հրադադարի ռեժիմը վերահսկում է 23 դիտակետերում: Պարեկություն է իրականացվում կողմերի շփման գծի երկայնքով եւ Լաչինի միջանցքում, ապահովվում է խաղաղ բնակչության տեղաշարժի անվտանգությունը:
Ռուս խաղաղապահներն ապահովում են քաղաքացիների անվտանգ վերադարձն իրենց մշտական բնակության վայրեր, մարդասիրական օգնություն են տրամադրում եւ վերականգնում են քաղաքացիական ենթակառուցվածքի օբյեկտները:
