Օրերս Politik.am-ը անդրադառնալով Արարատի արդեն նախկին մարզպետ Գարիկ Սարգսյանի ռազմաճակատում արձանագրած «հաջողություններին» գրել էր․«Արարատի մարզպետն իր փոքրաթիվ ջոկատով պատերազմի օրերին եղել է Սղնախ գյուղում։ Հենց առաջին օրը հակառակորդը մեծ թափով ականանետային հարվածներ է հասցրել այդ դիրքերին։ Մարզպետը խուճապահար վազել է թաքնվելու և այդ ընթացքում կորցրել է իր ինքնաձիգը, որը մի քանի օր անց արցախցի տղաները գտել են և ուղարկել մարզպետին։ Երբ թուրքերը դադարել են ականանետային հարվածը, Գարիկ Սարգսյանը դիրքի արցախցի զինվորականներին ասել է, որ ինքը գործեր ունի և պետք է գնա ու գնացել է։ Մեկ օր հետո իր հետևից գանցել է նաև ջոկատը, որն իր հետ էր եկել։ Թե պատերազմի մյուս օրերին որտեղ են եղել, մեզ զանգահարողը դժվարացավ ասել»։

Մեր այս հրապարակմանը իբրև արձագանք Գարիկ Սարգսյանը իր ֆեյսբուքյան էջում տեղադրել էր գեներալ Սեյրան Օհանյանի հետ լուսանկար և գրել․«Թե բա` Գարիկ Սարգսյանը Շուշիում չի եղել...»։

Այսօր գեներալ Սեյրան Օհանյանը 168․ամ-ի հետ զրույցում անդրադառնալով Գարիկ Սարգսյանի Շուշիիում լինելու հանգամանքին ասել է․«․․․Որից հետո արդեն ես տեղյակ չեմ՝ ինքը (Գարիկ Սարգսյանը խմբ․) մեկնել է պետության ղեկավարության, միգուցե բանակի հրամանատարության մոտ, և այնուհետև գնացել են որևիցե խնդիր կատարելու, բայց ոչ Շուշիում, որի մասին ես որևիցե մի տեղեկություն չունեմ»,-ասել էր գեներալ Օհանյանը։

Ըստ էության գեներալ Օհանյանը հաստատում է մեր այն տեղեկատվությունը, որ Գարիկ Սարգսյանը Շուշիիում որևէ գործողության չի մասնակցել։