ՄՅՈւ-ի հետ իմ կապն ավելի խորն է, քան՝ ինչ տեսնում են մարդիկ. Ռեշֆորդ
«Մանչեսթեր Յունայթեդի» հարձակվող Մարկուս Ռեշֆորդը հույս է հայտնել, որ ամբողջ կարիերան կկարողանա անցկացնել հայրենի ակումբում:
-Ես երբեք «Մանչեսթեր Յունայթեդից» այն կողմ չեմ նայում: Մանկությանս տարիներին ես երբեք չեմ նայել «Մանչեսթեր Յունայթեդից» այն կողմ, և ինձ համար սխալ կլինի մեկ այլ ակումբի մարզաշապիկ հագնելը: Ես պարզապես ցանկանում եմ անել հնարավորը ակումբի համար, քանի դեռ այստեղ եմ, և հուսով եմ, որ երկար ժամանակ կմնամ իմ սիրելի թիմում: Բոլոր լավ բաները, որոնք տեղի են ունեցել այս տարի, եկել են «Մանչեսթեր Յունայթեդից», որն ինձ հնարավորություն է տվել կայանալ: Անցյալ տարիներին իմ ընտանիքում ոչ ոք մեքենա չէր վարում, իսկ ես ստիպված էի ոտքով գնալ մարզման: Ակումբի ներկայացուցիչները դասից հետո ինձ տեղափոխում էին տուն: Ակումբի հետ իմ կապը շատ ավելի խորն է, քան այն, ինչ մարդիկ տեսնում են: – Ռեշֆորդի խոսքերն է մեջբերում Sky Sports- ը:
