Ոստիկանության կողմից թույլ տրվող բռնությունները խաղաղ ցուցարարների հանդեպ անթույլատրելի են։

Քաղաքացիների գլխից մի մազ պակասեց, մի կաթիլ արյուն հոսեց, սրա պատասխանատվությունն ամբողջությամբ իշխանության ուսերին է մնալու։

Գիտեմ նաև, որ պիտի պրոիշխանականները շտապեն հակադարձել ու հարձակվել` ասելով, թե ինչու՞ չէիք քննադատում, երբ ԱԺ նախագահ Արարատ Միրզոյանին էին բռնության ենթարկում, ապա կասեմ. գործնականում առանց պոպուլիստական տեքստերի փորձել եմ կանխել այն այլանդակությունը, որը տեղի ունեցավ նոյեմբերի 9-ի լույս 10-ի գիշերը։ Այս մասին չէի ուզի երբեք խոսել, բայց գրում եմ` նախապես կանխելով այն հակադարձումները, որոնք կարող են տեղ գտնել այս գրառման տակ։

Ինձ համար հավասարապես անընդունելի է բոլոր ՀՀ բոլոր քաղաքացիների հանդեպ տեղի ունեցող բռնությունը` անկախ քաղաքական պատկանելությունից։

Կոչ եմ անում բոլոր կողմերին լինել սթափ ու ավելորդ հրահրումներ չանել պետության ներսում։ Իսկ ոստիկանությանը կոչ եմ անում չանցնել լիազորությունների սահմանները, ձեր պարտականությունն է ապահովել հասարակական կարգը, քաղաքացիների անվտանգությունը։

Աննա Կոստանյան