Փաշինյանի հրաժարականը պահանջած համայնքապետերին անհեթեթ պատճառաբանություններով հրավիրում են ԱԱԾ. Նաիրա Զոհրաբյան
Բոլոր այն համայնքապետերը, որոնք պահանջել են Նիկոլ Փաշինյանի՝ հող հանձնողի հրաժարականը, տարբեր անհեթեթ պատճառաբանություններով հրավիրվում են ԱԱԾ, հող հանձնածը փորձում է ռեպրեսիաներով պահել իր իշխանությունը: Այս մասին Փաշինյանի հրաժարականի պահանջով երթի ժամանակ հայտարարեց ԲՀԿ-ական պատգամավոր Նաիրա Զոհրաբյանը:
«Հոգեվարքի մեջ գտնվող հող հանձնածը փորձում է թաքնվելով ուժային կառույցների հետևում պահել իր փոքրիկ իշխանությունը, Նիկոլ Փաշինյանը համառորեն հրաժարվում է հասկանալ, որ ինքն այլևս Հայաստանում իշխանություն չունի»,- հայտարարեց նա:
Լրագրողի դիտարկմանը, որ ԱԺ «Իմ քայլը» խմբակցության պատգամավորները խոսում են արտահերթ ընտրությունների մասին, Նաիրա Զոհրաբյանն սաց. «Արտահերթ խորհրդարանական ընտրություններ կարող են լինել միայն Նիկոլ Փաշինյանի հրաժարականից հետո»:
