Շվեյցարիայի կառավարությունը, հետևելով Եվրամիությանը, պատժամիջոցներ է սահմանել Բելառուսի նախագահ Ալեքսանդր Լուկաշենկոյի և երկրի 14 բարձրաստիճան պաշտոնյաների դեմ: Այս մասին հայտնում է ՌԻԱ Նովոստին։

Նշվում է, որ միջոցառումներն ուժի մեջ են մտել 2020 թվականի դեկտեմբերի 11-ին, ժամը 18.00-ին: Ընդգծվում է, որ այս կերպ Շվեյցարիան միանում է Եվրամիության կողմից նոյեմբերի 6-ին ընդունված որոշումներին:

Լուկաշենկոյից բացի ցուցակում ընդգրկված է նրա ավագ որդին՝ Վիկտորը և 13 այլ անձինք, այդ թվում՝ նախագահի վարչակազմի ղեկավար Իգոր Սերգիենկոն, նախագահի մամուլի քարտուղար Նատալիա Էյսմոնտը, «Ալֆա» խմբի հրամանատար Սերգեյ Զուբկովը, ՍԴ նախագահ Պյոտր Միկլաշևիչը և անվտանգության այլ պաշտոնատար անձինք: