Նիկոլի գործերն այդքան էլ լավ չեն. ոստիկանները չեն կատարում ապօրինի հրամանները. yerevan.today
Ժամանակին իր դասընկերոջը ոստիկանապետ նշանակելով՝ Նիկոլ Փաշինյանը փորձեց ամբողջությամբ իր ձեռքն առնել այդ ուժային կառույցը: Օրերս Փաշինյանն անձամբ հրաման է տվել ոստիկանապետին հատուկ ուշադրություն դարձնել Իշխան Սաղաթելյանին: Այս մասին հայտնում է yerevan.today-ը:
«Նա ասել է, որ պետք է Սաղաթելյանին բերման ենթարկել շատ կոպիտ ձևով, իսկ մեքենայի մեջ էլ հասցնել այնպիսի մարմնական վնասվածքներ, որ առաջանան լուրջ առողջական խնդիրներ և նա չկարողանա առաջիկա օրերին պատշաճ կերպով իրականացնել իր ընդդիմադիր գործունեությունը:
Չնայած նրան, որ անձամբ վարչապետն է ոստիկանապետին հրահանգել, իսկ վերջինս էլ փորձել է իր ամենանեղ շրջապատի միջոցով իրականացնել այդ հրամանը՝ ոչ մի բերման ենթարկող ոստիկան չի համաձայնվել նման բան անել և չի արել: Այսպիսով Նիկոլի պլանավորած օպերացիան ձախողվել է: Եթե այս տեղեկությանը գումարենք այն փաստը, որ օրը մի քանի բարձր կոչում ունեցող ոստիկաններ են լքում համակարգը՝ շեշտելով, որ չեն պատրաստվում ծառայել այս իշխանությանը, հասկանալի է դառնում, որ Նիկոլի գործերն այդքան էլ լավ չեն»,-նշում է լրատվամիջոցը:
