Մամուլում տեղեկություն տարածվեց, որ Կապանի Ագարակ գյուղի ուղղությամբ կես ժամ շարունակ փոխհրաձգություն է եղել: Թշնամին հայկական կողմին 10 ժամ ժամանակ  է տվել պաշպանական դիրքերը թողնելու համար։

168.am-ը փորձեց կապ հաստատել համայնքապետերի հետ` ճշտելու համար տիրող իրավիճակը, սակայն չհաջողվեց։ Մեր աղբյուրի փոխանցմամբ` համայնքապետերը գտնվում են դիրքերում, քանի որ Գլխավոր շտաբի պետ Օնիկ Գասպարյանի կողմից որևէ քայլ չի ձեռնարկվել և կանոնավոր զորք Սյունիք մինչև այս պահը չի ուղարկվել։ Մեր տեղեկություններով` սահմանային դիրքերը Սյունիքում պահվում են համայնքապետերի կողմից ձևավորված կամավորական ջոկատների կողմից։