Դիվերսանտները, որոնք վեց տարի առաջ երեխա էին սպանել, և Արցախի Կառավարության կողմից դատապարտվել ցմահ ազատազրկման, այսօր հանձնվել են Ադրբեջանին։ Նրանք որևէ կապ չունեն ռազմագերիների հետ, նրանք հանցագործներ էին, որոնք ունեն օրինական ուժի մեջ մտած դատավճիռ։ Այժմ մենք տեսնում ենք, որ Նիկոլ Փաշինյանը նաև այդ հանցագործներին է հանձնել, ի՞նչ թղթի հիման վրա, ո՞վ է համարձակվել հայ երեխային սպանած դիվերսանտներին հանձնել թշնամուն։ Այս մասին Նիկոլ Փաշինյանի հրաժարականի պահանջով «Արժանապատվության երթ»-ի ժամանակ լրագրողների հետ զրույցում ասաց քաղաքագետ Հրանտ Մելիք-Շահնազարյանը

«Պետք է պարզել՝ ով է եղել այդ սրիկան, որը իր որոշմամբ ներում է շնորհել երկու այդ հանվագործներին և հանձնել Ադրբեջանին»,- նշել է Շահնազարյանը։

Հրանտ Մելիք-Շահնազարյանը նշել է, որ Ադրբեջանը որտեղ հնարավոր է, դոմինանտ դիրք է գրավում, որպեսզի հետագայում կարողանա ճնշում գործադրել մեր զինված ուժերի վրա: «Շատ շուտով մենք ունենալու ենք արժանապատիվ ղեկավար, ունենալու ենք իրական ժողովրդի իշխանություն, որը իրական ժողովրդի կամքն է թելադրելու»,-ասաց նա:

Նա նշեց, որ չգիտի, թե Արայիկ Հարությունյանը ինչ լիազորություններ ունի, քանի անգամ սոցիալական շատ պարզ հարցերի պատասխանները տրվել են խաղապահ ուժերի կողմից, գյուղապետերի մակարդակով: «Չեմ պատկերացնում, թե նման խայտառակ պայմաններ ընդունելուց հետո ինչ պետք է բանակցի այս իշխանությունը` լին իդա Հայաստանում, թե Արցախում»,-ասաց նա