«Պարի Սեն Ժերմենի» հարձակվող Նեյմարի վնասվածքը այդքան էլ լուրջ չէ, որքան սպասվում էր։ 

Ակումբը հայտարարությամբ է հանդես եկել, որի մեջ ասվում է, որ բուժզննման արդյունքները «հուսալի» են։ Ակումբը նաև հայտնել է, որ 48 ժամից և մեկ բուժզզնում է լինելու։

RMC Sport-ի լրագրող Մոհամեդ Բուհաֆսիի տեղեկություններով՝ բրազիլացի հարձակվողը կոճի վնասվածքի պատճառով 10-ից 15 օր է բաց թողնելու։ Ամենայն հավանականությամբ նա կարող է վերականգնվել ու մասնակցել «Սենտ Էտիենի» դեմ խաղին, որը կայանալու է հունվարի 6-ին։

Հիշեցնենք, որ Լիգա 1-ի 14-րդ տուրի «Լիոնի» դեմ խաղի վերջում (0-1) հյուրերի կիսապաշտպան Տիագո Մենդեսը վնասվածք էր հասցրել Նեյմարին։ Բրազիլացուն դաշտից հանել էին պատգարակով։

Ընթացիկ մրցաշրջանում 28-ամյա ֆուտբոլիստը 7 հանդիպման է մասնակցել Ֆրանսիայի առաջնությունում, որում դարձել է 3 գոլի ու 3 գոլային փոխանցման հեղինակ։