ԱՄՆ նախագահ Դոնալդ Թրամփը ԱՄՆ-ում կորոնավիրուսի դեմ առաջին պատվաստման կապակցությամբ շնորհավորել է երկրի բնակիչներին։

«Իրականացվել է Covid-19-ի դեմ առաջին պատվաստումը։ Շնորհավորում եմ ԱՄՆ-ին: Շնորհավորում եմ աշխարհին»,- Twitter-ում գրել է ԱՄՆ նախագահը:

ԱՄՆ սննդի և դեղերի վարչությունը (FDA) օրերս հավանություն էր տվել BioNTech ընկերության կողմից մշակված Pfizer պատվաստանյութի կիրառմանը՝ նոր կորոնավիրուսի դեմ պայքարելու հարցում:

Նշենք, որ ԱՄՆ կառավարությունը նախատեսում է մինչև 2021 թվականի առաջին եռամսյակի ավարտը կորոնավիրուսի դեմ պատվաստել 100 միլիոն մարդու։