Ռուսաստանցի հաքերները «կոտրել են» ԱՄՆ ֆինանսների նախարարության համակարգը. Reuters
Reuters-ը, վկայակոչելով իր սեփական աղբյուրները, պնդում է, որ հաքերների խումբը, որը ենթադրաբար աշխատում էր Ռուսաստանի կառավարության համար, մուտք է ստացել ԱՄՆ ներքին անվտանգության նախարարության ներքին հաղորդակցությունների ոլորտ:
«Հնարամիտ հաքերների թիմը, որոնք ենթադրաբար աշխատում է ռուսական կառավարության համար, ԱՄՆ ներքին անվտանգության նախարարության ներքին հաղորդակցություններին հասանելիություն է ստացել»,- հաղորդում է գործակալությունը: Այն դեռ կոնկրետ ապացույցներ չի ներկայացնում միջադեպին ռուսական կառավարության մասնակցության վերաբերյալ։
Հասարակայնության հետ կապերի նախարարի օգնական Ալեքսեյ Վոլտորնիստն ասել է, որ ԱՄՆ-ի ներքին անվտանգության նախարարությունը տեղյակ է դաշնային կառավարությունում կիբեռհարձակումների մասին և աշխատում է այդ սպառնալիքներին պատասխանելու ուղղությամբ:
«Ներքին անվտանգության նախարարությունը տեղյակ է դաշնային կառավարության կիբեռհարձակումների մասին և սերտորեն աշխատում է մեր գործընկերների հետ ՝ ինչպես պետական, այնպես էլ մասնավոր՝ դաշնային պատասխանի ուղղությամբ»,- ասված է Վոլտորնիստի գրավոր հայտարարության մեջ:
Գործակալության տվյալներով ՝ խոսքն, իբր, այն գրոհի շարունակության մասին է, որի մասին հաղորդվել է կիրակի, և որի ժամանակ հաքերները կարողացել են մուտք գործել ԱՄՆ-ի ֆինանսների և առևտրի նախարարության համակարգ:
Այն ժամանակ տեղեկություններ չէին հաղորդվում, թե որ երկրի իշխանությունների մասին է խոսքը։
ՌԴ նախագահի մամուլի քարտուղար Դմիտրի Պեսկովը, մեկնաբանելով ԱՄՆ ֆինանսների նախարարության վրա հաքերային հարձակումների մասին լուրերը, ասել է, որ Ռուսաստանը ոչ մի կապ չունի դրա հետ և հիշեցրել է, որ նախագահ Վլադիմիր Պուտինը առաջարկել է համագործակցել կիբերանվտանգության ոլորտում, բայց ամերիկյան կողմից պատասխան չի ստացել:
