Տեղի ժամանակով 02։53-ին հայտնի է դարձել, որ հրդեհ է բռնկվել ՌԴ Բաշկիրիայի ինքնավար հանրապետության Աբզելիլովի շրջանի Իշբուլդինո գյուղում գտնվող գթության տանը։ Հաղորդվում է 11 զոհի մասին։

Դեպքի պահին ներսում գտնվել է 16 մարդ, որոնցից 5-ին հաջողվել է ինքնուրույն դուրս գալ շենքից։ Փրկվածները հաստատության աշխատակիցներն են։ Կրակը մարվել է վաղ առավոտյան՝ 06․00-ին, հայտնում է RIA Novosti-ն։

Հրդեհի բռնկման պատճառները պարզվում են։ Փաստի առթիվ հարուցվել է քրեական գործ՝ 2 և ավելի անձանց անզգուշությամբ մահ պատճառելու հատկանիշներով։ Ականատեսները հարցաքննվում են, դեպքի պատճառների պարզման նպատակով փորձաքննություններ են նշանակվել։ Շրջանում արտակարգ դրության ռեժիմ է սահմանվել։