ԲՀԿ Երիտասարդների Միության նախագահ Աշոտ Անդրեասյանը նշում է` Նիկոլ Փաշինյանը ոչ միայն մեր հայրենիքն է վաճառել, այլև անտարբեր է Ադրբեջանի կողմից գերեվարված մեր հայրենակիցների, մեր զոհված քաջերի մարմինների վերադարձի հետ կապված:

«Իհարկե, ուրախալի է, որ մեր գերեվարված 44 հայրենակիցներն արդեն ՀՀ-ու են, բայց ես ցանկանում եմ ի լուր բոլորի ասել, որ սա Նիկոլ Փաշինյանի ավանդը չէ, քանի որ նրան թե' Հայաստանում, թե' Հայաստանի սահմաններից դուրս ոչ ոք լուրջ չի ընդունում. նա ստախոսի համբավ է ձեռք բերել»,- MegaNews.am-ի հետ զրույցում նշեց Աշոտ Անդրեասյանը:

Նա շեշտեց` գերեվարված քաղաքացիների վերդարձն իրականացվել է ՌԴ նախագահ Վլադիմիր Պուտինի ու ՄԻՊ Արման Թաթոյանի գործուն ջանքերի շնորհիվ:

«Իմ համոզմամբ` Ադրբեջաբում դեռ շատ հայ գերիներ կան: Մեր զոհված քաջերից շատերի մարմինները դեռ չեն գտնվել: Դա ևս մեծ ցավ է մեզ համար»,- նշեց Աշոտ Անդրեասյանը` շեշտելով` դավաճան վարչապետն իրեն սպառել է, և նա պիտի հեռանա, որպեսզի մեր երկրի առջև ծառացած խնդիրները լուծվեն:

Աշոտ Անդրեասյանը նաւ ընդգծեց` իշխանությունների կողմից ԲՀԿ-ի նկատմամբ ճնշումների փորձերը շարունակվում են:

«Երեք օր առաջ եմ հրավիրվել ԱԱԾ. էլի անիմաստ հարցեր էին տալիս, կարծես մանկապարտեզում լինեինք, մինչդեռ այդ կառույցն այլ գործառույթներ պետք է իրականացնի: Հայաստանում ցանկացած ստրուկտուրա կորցրել է իր ուժն ու կարևորությունը Փաշինյան վարչապետի պատճառով. ոչ ոք իր տեղը չգիտի: Մեզ ոստիկանական բաժանմունքներ են տանում, ԱԱԾ կանչում, բայց մենք օրենք չենք խախտում, պայքարում ենք մեր հայրենիքի համար»,- նշեց Աշոտ Անդրեասյանը:

Հասմիկ Սարգսյան