Երբ հրաժարականի կոչով հանդես եկա, բոլորին թվաց, թե Վանեցյանը կանգառի կոչ է անում կոռուպցիայի դեմ պայքարում, այնինչ կոռուպցիայի դեմ պայքարի առաջամարտիկը եղել եմ ես, այս հեղափոխության սիմվոլներից մեկը, ցավոք սրտի եղել եմ ես: Այս մասին լրագրողների հետ զրույցում հայտարարել է Արթուր Վանեցյանը:

Ինչ վերաբերում է տեղեկություններին, որ Իլհամ Ալիևը հենց իր միջոցով է փակ ծրարով Նիկոլ Փաշինյանին առաջարկել 5 միլիարդ դոլարով վաճառել Արցախը, Վանեցյանը նշեց, որ ինքը որպես ԱԱԾ տնօրեն, ի պաշտոնե ապահովել է Նիկոլ Փաշինյանի և Ադրբեջանի միջև օպերատիվ կապը. «Եղել են բազմաթիվ հանդիպումներ, այդ թվում՝ Դուբայում: Այդ հանդիպումների մասին մանրամասն տեղեկացված են Ազգային անվտանգության խորհրդի բոլոր անդամները, հարցերը քննարկվել են խորհուրդում, ավելին ասել չեմ կարող»: