Մի հատ խղճուկ փոքր մարդ, խաբելով ամբողջ ժողովրդին, եկավ իշխանության, կործանեց ամբողջ երկիրը, իսկ մենք այսքան հզոր, խելոք, անձնազոհ մարդկանցով այդ փոքր մարդու դեմ ենք պայքարում: Այս մասին Ֆրանսիայի հրապարակում հայտարարեց ընդդիմության վարչապետի թեկնածու Վազգեն Մանուկյանը:

Մանուկյանը նշեց, որ Նիկոլ Փաշինյանը ոչ միայն սպանեց այն 5 հազար զոհերին, այլ նաև երկրորդ անգամ սպանեց Եռաբլուրում հուղարկավորված բոլոր հերոսներին. «Ես նրանց մեծ մասին ճանաչում էի: Ես պայքարում եմ ոչ միայն ապագայի, այլ նաև այդ տղաների հիշատակի համար, ովքեր զոհվեցին երազելով ազատ անկախ հզոր երկիր ունենալու մասին»:

«Մենք հաղթելու ենք, նորից ոտքի ենք կանգնելու, մենք հզոր ժողովուրդ ենք, նորից ոտքի ենք կանգնելու, այս տարածաշրջանի ամենահզոր ու ամենաազդեցիկ պետությունն ենք լինելու:

Մի փոքր խոչընդոտ կա, իրենից կազատվենք: Ինչի մասին երազում ենք, կիրականացնենք:

Հաղթանակ»,-ասաց նա: