Վանաձորի Պետական Համալսարանի աշխատակիցները պահանջում են վարչապետի եւ կառավարության հրաժարականը: Այս մասին նրանք հայտարարություն են տարածել, որում ասվում է.

«2020 թ. սեպտեմբերի 27-ին Թուրքիայի և Ադրբեջանի կողմից սանձազերծված պատերազմը սաստիկ էր, կորուստները՝ ծանր, իսկ Հայաստանի քաղաքական իշխանությունների ձեռնարկած գործողություները համարժեք չէին առաջացած մարտահրավերներին, համազգային կարողականությանը և Հայոց բանակի հերոսական գործողություններին:

Նոյեմբերի 9-ին Ադրբեջանի, Հայաստանի և Ռուսաստանի միջև վարչապետ Նիկոլ Փաշինյանի կողմից գաղտագողի ստորագրված հայտարարությունը գնահատում ենք որպես հայ ժողովրդի համար նվաստացուցիչ փաստաթուղթ, որի արդյունքում Արցախի և Հայաստանի Հանրապետությունները ունեն խոշոր տարածքային կորուստներ, ունենք ինքնիշխանության լրջագույն սահմանափակումներ, հայկական զույգ պետություններում և Սփյուռքում ստեղծվել է բարոյահոգեբանական բարդ ու ծանր մթնոլորտ։