Խոսե՛ք, Զորավարնե՛ր, խելագար հողատուն դեռ շարունակում է իր ազգակործան ընթացքը. Սիմոն Սիմոնյան
ՀՅԴ Հայաստանի Գերագույն մարմնի նախագահ Սիմոն Սիմոնյանը ֆեյսբուքյան իր էջում գրում է.«Հարգելի՛ Զորավարներ
Խելագար ու գլխավոր հողատուն դեռ շարունակում է իր ազգակործան ընթացքը. հողատուի համար Հայաստանի անվտանգության համակարգը իր նպատակներին ծառայեցնելու համար է, և օր օրի մեր անվտանգության թուլացում...
Հեռուստատեսությունից տեսանք, թե ինչպես անհայտ կորած մեր քաջ զինվորների ընտանիքները մտել էին զորամաս, մնացածի մասին չխոսեմ… Նրանք չեն գտնում իրենց հերոս զավակներին, և չկա պետությունից մեկը, որ վերահասու լինի այս հարցին, չկա պետություն…
Հողատուն և իր սորոսական թիմը դիտավորյալ նրանց դռնեդուռ են ուղարկում՝ ՌԴ-ի Իրան-ի, ՄԱԿ-ի, ԵԽ-ի, ՄԻ-ի ներկայացուցչություններ, և հիմա էլ՝ զորանոցներ…
Հողատուն դեռ գծում է նոր սցենարներ՝ մեր բանակը թուլացնելու, կառավարությունը փոխարեն կյանքի կոչի հանձնաժողով /տարբեր գերատեսչություններից/, որ իր վրա կվերցնի պատասխանատվություն ու հոգածության տակ կառնի այդ ընտանիքներին, որդեգրել է կեղտոտ տակտիկա: Իրենք կարող էին 2016 ապրիլյանի հանձնաժողով սարքեին և հարվածեին բանակին՝ հեղինակազրկելով բանակը և թուլացնելով նրա մարտական ոգին: Սյունյաց աշխարհում չկա պետական ներկայություն, Սյունիքի ճանապարհները անվտանգ չեն, թշնամին Ջերմուկի հարևանությամբ զորանոց է կառուցում, կապիտուլյացիայից 45 օր անց Արցախի ու Հայաստանի բնակավայրերն են զավթվում, թուրքերը մտնում են՝ տարածքներ վերցնում, և ըստ լուրերի՝ ունենում ենք վիրավորներ ու գերեվարված զինվորներ: Վաղը ո՞ր շրջանի կամ զինվորի հերթն է լինելու:
Պատերազմի ընթացքում ականատես ենք եղել մեր հրամանատարների ու քաջարի զինվորները ու կամավորների զոհողությունների, նրանք արել են ամեն ինչ, հազարավորներ կյանքեր են նվիրվել հայրենիքի պաշտպանության համար: Պատերազմի ժամանակ դիրքերում ու առաջնագծում ձեր խոսքը մեր համար օրենք է եղել… Դուք երաշխավորն եք հայրենիքի տարածքային ամբողջականության ու անվտանգության, դուք այս օրերին ձեր ուսերի վրա եք կրում պատասխանատվություն, թեպետ գիտենք հիմնական պատասխանատուին…
Խոսե՛ք, սիրելի՛ Զորավարներ, Հայկական բանակը մեր աչքի լույսն է…»:
